Language

  • English
  • Hindi
  • Marathi
  • Kannada
  • Telugu
  • Tamil
  • Gujarati

ನಮ್ಮ ಹಿಂದಿನ ಸಲ್ಲಿಕೆಗಳಲ್ಲಿ ನೀವುಜಿಎಸ್‍ಟಿ ನೋಂದಾಯಿತ ವ್ಯಾಪಾರಿಯಾಗಿ ಹೇಗೆ ಬದಲಾಗಬಹುದು ಮತ್ತು ಜಿಎಸ್‍ಟಿ ನೋಂದಣಿಗೆ ಅರ್ಜಿಯನ್ನು ಹೇಗೆ ಸಲ್ಲಿಸಬೇಕು ಎಂಬುದರ ಬಗ್ಗೆ ಚರ್ಚಿಸಿದೆವು

ಈಗ ನಾವು ಕೆಳಗಿನವುಗಳನ್ನು ಅರ್ಥ ಮಾಡಿಕೊಳ್ಳೋಣ:

  • ನಿಮ್ಮ ನೋಂದಣಿ ವಿವರಗಳನ್ನು ತಿದ್ದುಪಡಿ ಮಾಡುವಿಕೆ
  • ನೋಂದಣಿಯನ್ನು ರದ್ದುಗೊಳಿಸಲು ಅರ್ಜಿ ಸಲ್ಲಿಸುವಿಕೆ
  • ನಿಮ್ಮ ನೋಂದಣಿ ರದ್ದುಗೊಂಡಿದ್ದರೆ ಹಿಂತೆಗೆದುಕೊಳ್ಳಿ

ನಿಮ್ಮ ನೋಂದಣಿ ವಿವರಗಳನ್ನು ತಿದ್ದುಪಡಿ ಮಾಡಿ

  • ನೋಂದಣಿಯಾದ ಸಮಯದಲ್ಲಿ ಒದಗಿಸಲಾದ ಯಾವುದೇ ವಿವರಗಳ ಯಾವುದೇ ಬದಲಾವಣೆಗಾಗಿ ನಮೂನೆ GST REG-11ರ ಮೂಲಕ ಇಂತಹ ಬದಲಾವಣೆಗಳನ್ನು ಮಾಡಿದ ದಿನಾಂಕದಿಂದ 15 ದಿನಗಳೊಳಗೆ ಸಲ್ಲಿಸಬೇಕು.
  • ನಮೂನೆ ಜಿ.ಎಸ್.ಟಿ. GST REG-11ರಲ್ಲಿ ವ್ಯವಹಾರದ ಹೆಸರು, ಪಾಲುದಾರಿಕೆಯ ವಿವರಗಳು, ಆಡಳಿತ ಸಮಿತಿ ಇತ್ಯಾದಿಗಳಿಗೆ ಸಂಬಂಧಿಸಿದ ನಿಗದಿತ ಬದಲಾವಣೆಗಳಿಗೆ ಅಧಿಕಾರಿಯ ಅನುಮೋದನೆಯ ಅಗತ್ಯವಿರುತ್ತದೆ. ಪರಿಶೀಲನೆಯ ನಂತರ ಅಧಿಕಾರಿಯು ವಿವರಗಳ ತಿದ್ದುಪಡಿಗಾಗಿ ಅಂಗೀಕಾರ ಆದೇಶವನ್ನು ನಮೂನೆ GST REG-12ರಲ್ಲಿ ಕಳುಹಿಸುತ್ತಾರೆ.
  • ವ್ಯವಹಾರದ ವಿವರಗಳಲ್ಲಿ ಆದ ಬದಲಾವಣೆಯ ಪರಿಣಾಮವಾಗಿ ನೋಂದಾಯಿತ ತೆರಿಗೆ ಪಾವತಿದಾರರ ಬದಲಾಗುವ ಪ್ಯಾನ್ ಸಂಖ್ಯೆಯನ್ನು ನಮೂನೆ GST REG-01ರ ಮೂಲಕ ಹೊಸದಾಗಿ ನೋಂದಣಿ ಮಾಡಿಸಬೇಕು.

ನೋಂದಣಿಯನ್ನು ರದ್ದುಗೊಳಿಸಲು ಅರ್ಜಿ ಸಲ್ಲಿಸುವಿಕೆ

  • ನೋಂದಾಯಿಸಿಕೊಂಡಿರುವ ತೆರಿಗೆ ಪಾವತಿ ಮಾಡುವ ವ್ಯಕ್ತಿ ನೋಂದಾವಣೆಯನ್ನು ರದ್ದುಗೊಳಿಸಲು ಬಯಸಿದಲ್ಲಿ ಆತ ಮುಕ್ತಾಯವಾಗುವ ದಾಸ್ತಾನು ವಿವರ ಮತ್ತು ಇತರೆ ಸೂಕ್ತ ದಾಖಲೆಗಳೊಂದಿಗೆ ನಮೂನೆ GST REG-14 ನ್ನು ಸಲ್ಲಿಸಬೇಕು.
  • 7 ದಿನಗಳಲ್ಲಿ ರದ್ದುಗೊಳಿಸಲು ಕಾರಣವನ್ನು ನೀಡುವಂತೆ ತೆರಿಗೆ ಪಾವತಿಸುವ ವ್ಯಕ್ತಿಗೆ ನಮೂನೆ GST REG-15ರಲ್ಲಿ ಒಂದು ಸೂಚನೆಯನ್ನು ನೀಡಲಾಗುತ್ತದೆ.
  • ಅಧಿಕಾರಿಯು ಪರಿಶೀಲಿಸಿ ಅನುಮೋದಿಸಿದ ನಂತರ ನಮೂನೆ GST REG-15 ಪಡೆದ ದಿನಾಂಕದಿಂದ ಅಥವಾ ಕಾರಣ ಕೇಳಿ ನೀಡಿದ ಸೂಚನೆ ದಿನಾಂಕದಿಂದ 30 ದಿನಗಳ ಒಳಗೆ ನಮೂನೆ GST REG-16ರಲ್ಲಿ ರದ್ದಾದ ಆದೇಶವನ್ನು ನೀಡಲಾಗುತ್ತದೆ.

Applying-for-Cancellation-of-Registration

ತೆರಿಗೆಗೆ ಅರ್ಹವಾಗುವ ವ್ಯಕ್ತಿಯು ಸ್ವಯಂಪ್ರೇರಣೆಯಿಂದ ನೋಂದಾಯಿಸಿದ್ದಲಿ ಆತ ನೋಂದಾವಣೆ ಮಾಡಿ 1 ವರ್ಷ ಪೂರ್ಣಗೊಂಡ ನಂತರವಷ್ಟೆ ರದ್ದುಗೊಳಿಸಲು ಅರ್ಜಿ ಸಲ್ಲಿಸಲು ಅವಕಾಶವಿರುತ್ತದೆ. ತೆರಿಗೆಗೆ ಅರ್ಹವಾಗುವ ವ್ಯಕ್ತಿಗೆ ಯಾವುದೇ ತೆರಿಗೆ ಬಾಕಿ ಮತ್ತು ದಂಡವನ್ನು (ಯಾವುದಾದರು ಇದ್ದಲ್ಲಿ) ಪಾವತಿಸಲು ನಿರ್ದೇಶನ ನೀಡಿದ ನಂತರವಷ್ಟೆ ಅಧಿಕಾರಿಯು ರದ್ದುಗೊಳಿಸಲು ಅನ್ವಯವಾಗುವ ದಿನಾಂಕವನ್ನು ನಿರ್ಧರಿಸುತ್ತಾರೆ.

ರದ್ದುಗೊಳಿಸಲಾದ ನೋಂದಣಿಯನ್ನು ಹಿಂತೆಗೆದುಕೊಳ್ಳುವಿಕೆ

  • ಅಧಿಕಾರಿಯು ನೋಂದಣಿಯನ್ನು ರದ್ದುಗೊಳಿಸಿದ ಸಂದರ್ಭದಲ್ಲಿ, ತೆರಿಗೆಗೆ ಅರ್ಹವಾಗುವ ವ್ಯಕ್ತಿ ಹೀಗೆ ರದ್ದುಗೊಂಡಿರುವುದನ್ನು ರದ್ದುಗೊಂಡ ಆದೇಶದ ದಿನಾಂಕದಿಂದ 30 ದಿನಗಳೊಳಗೆ ನಮೂನೆ GST REG-17ರ ಮೂಲಕ ಅದನ್ನು ಹಿಂತೆಗೆದುಕೊಳ್ಳಲು ಸಲ್ಲಿಸಬಹುದು.
  • ಅಧಿಕಾರಿಗೆ ಹೆಚ್ಚುವರಿ ವಿವರಗಳು ಅಥವಾ ಸ್ಪಷ್ಟೀಕರಣದ ಅಗತ್ಯವಿದ್ದಲ್ಲಿ, ಕೆಲಸದ 3 ದಿನಗಳ ಒಳಗಾಗಿ ನಮೂನೆ GST REG-03ಅನ್ನು ನೀಡಲಾಗುತ್ತದೆ.
  • ಆಗ ತೆರಿಗೆಗೆ ಅರ್ಹವಾಗುವ ವ್ಯಕ್ತಿಯು ನಮೂನೆ GST REG-04ರಲ್ಲಿ ಅಗತ್ಯ ವಿವರಗಳನ್ನು ಒದಗಿಸುವ ಮೂಲಕ ಪ್ರತಿಕ್ರಿಯೆ (7 ದಿನಗಳೊಳಗಾಗಿ) ನೀಡಬೇಕಾಗುತ್ತದೆ.
  • ಅಧಿಕಾರಿಗೆ ತೃಪ್ತಿಯಾದಲ್ಲಿ, ಈ ರೀತಿ ಹಿಂತೆಗೆದುಕೊಳ್ಳಲು ಅರ್ಜಿ ಸಲ್ಲಿಸಿದ 30 ದಿನಗಳ ಒಳಗೆ ನಮೂನೆ GST REG-18ರಲ್ಲಿ ಒಂದು ಆದೇಶವನ್ನು ನೀಡುವ ಮೂಲಕ ರದ್ದತಿಯನ್ನು ಹಿಂತೆಗೆದುಕೊಳ್ಳಗಲಾಗುತ್ತದೆ.
  • ಅಧಿಕಾರಿಗೆ ತೃಪ್ತಿಯಾಗದಿದ್ದಲ್ಲಿ, ರದ್ದತಿಯನ್ನು ಹಿಂತೆಗೆದುಕೊಳ್ಳುವಿಕೆಯನ್ನು ನಮೂನೆ ಉSಖಿ ಖಇಉ-5ರಲ್ಲಿ ತಿರಸ್ಕೃತಗೊಳಿಸಲಾಗುತ್ತದೆ. ಇದಕ್ಕೆ ಮೊದಲು, ತೆರಿಗೆಗೆ ಅರ್ಹವಾಗುವ ವ್ಯಕ್ತಿಗೆ ನಮೂನೆ GST REG-19ರಲ್ಲಿ ಕಾರಣ ಕೇಳಲು ಮತ್ತು ವಿಚಾರಣೆಗಾಗಿ ಸೂಚನೆ ನೀಡಲಾಗುತ್ತದೆ.

GST---Revoking-a-Cancelled-Registration

Are you GST ready yet?

Get ready for GST with Tally.ERP 9 Release 6