ಅರ್ಥವ್ಯವಸ್ಥೆಯಲ್ಲಿ ಬಳಸಲಾಗುವ ಎಲ್ಲಾ ಸರಕು ಮತ್ತು ಸೇವೆಗಳ ಮೌಲ್ಯವು ಕೆಲವೊಂದು ಮಾಪನಗಳನ್ನು ಆಧರಿಸಿ ಇರುತ್ತವೆ. ಭಾರತದಲ್ಲಿ ಈಗಿನ ತೆರಿಗೆ ಪದ್ಧತಿಯಲ್ಲಿ, ಮೌಲ್ಯವನ್ನು ವಿಭಿನ್ನ ದಾರಿಗಳಲ್ಲಿ ಲೆಕ್ಕ ಮಾಡಲಾಗುತ್ತದೆ. ಈ ಕುರಿತು ಒಂದು ಅವಲೋಕನವನ್ನು ಕೆಳಗಿನ ಕೋಷ್ಟಕದಲ್ಲಿ ನೀಡಲಾಗಿದೆ:

ತೆರಿಗೆ	ಸರಕು/ಸೇವೆಗಳ ಮೌಲ್ಯ
ಅಬಕಾರಿ	ಸರಕು ಅಥವಾ ಎಂಆರ್ಪಿಯ ವ್ಯವಹಾರ ಪ್ರಮಾಣ ಅಥವಾ ಮೌಲ್ಯದ ವ್ಯವಹಾರವನ್ನು ಆಧರಿಸಿ
ವ್ಯಾಟ್	ಮಾರಾಟದ ಮೌಲ್ಯವನ್ನು ಆಧರಿಸಿ
ಸೇವಾ ತೆರಿಗೆ	ನೀಡಿದ ಸೇವೆಯ ತೆರಿಗೆ ವಿಧಿಸಬಲ್ಲ ಮೌಲ್ಯಕ್ಕೆ ಆಧರಿಸಿ

ಸರಕು ಮತ್ತು ಸೇವೆಗಳ ಮೌಲ್ಯಮಾಪ

ಈಗಿನ ತೆರಿಗೆ ಪದ್ಧತಿ

ಈಗಿನ ತೆರಿಗೆ ಪದ್ಧತಿಯಲ್ಲಿ ಸರಕು ಮತ್ತು ಸೇವೆಗಳ ಮೌಲ್ಯವನ್ನು ಹೇಗೆ ಲೆಕ್ಕ ಹಾಕಲಾಗುತ್ತದೆ ಎನ್ನುವುದನ್ನು ಒಂದು ಉದಾಹರಣೆಯ ಸಹಾಯದಿಂದ ತಿಳಿದುಕೊಳ್ಳೋಣ:

ಕಾರು ತಯಾರಿಕಾ ಕಂಪನಿಯೊಂದಾದ ಸೂಪರ್ ಕಾರ್ಸ್ ಲಿಮಿಟೆಡ್, ಬಿಡಿಭಾಗಗಳನ್ನು ತಮ್ಮ ವಿತರಕರಾದ ರವೀಂದ್ರ ಆಟೋಮೊಬೈಲ್ಸ್ ಗೆ 6,000 ರೂ.ಗೆ ಮಾರಾಟ ಮಾಡುತ್ತದೆ. ಈ ಬಿಡಿಭಾಗಗಳ ಎಂಆರ್ ಪಿ ದರ 10,000 ರೂ. ಆಗಿರುತ್ತದೆ. ರವೀಂದ್ರ ಆಟೋಮೊಬೈಲ್ಸ್ ಗೆ ನೀಡಿರುವ ಸರಕುಪಟ್ಟಿ ನ ಸಚಿತ್ರ ವರದಿ ಈ ಕೆಳಗಿನಂತೆ ಇದೆ:

ಜಿಎಸ್‌ಟಿ ಪದ್ಧತಿಯನ್ವಯ ಹೀಗಿರುತ್ತದೆ

ಇದೇ ಉದಾಹರಣೆಯನ್ನು ಬಳಸಿಕೊಂಡು ಜಿಎಸ್ಟಿ ಪದ್ಧತಿಯಲ್ಲಿ ಸರಕು ಮತ್ತು ಸೇವೆಗಳ ಮೌಲ್ಯಮಾಪನ ಹೇಗಿರುತ್ತದೆ ಎನ್ನುವುದನ್ನು ಸಚಿತ್ರ ವರದಿಯ ಮೂಲಕ ನೋಡೋಣ:

*ಆಟೋಮೊಬೈಲ್ ಬಿಡಿಭಾಗಗಳಿಗೆ ಶೇಕಡ 18 ಜಿಎಸ್ಟಿ ಎಂದು ಭಾವಿಸಿಕೊಂಡು.

ಜಿಎಸ್‌ಟಿ ಪದ್ಧತಿಯಲ್ಲಿ, ಸರಕು ಮತ್ತು/ಅಥವಾ ಸೇವೆಗಳ ಮೌಲ್ಯವು ವ್ಯವಹಾರದ ಮೌಲ್ಯವಾಗಿದೆ. ಉದಾಹರಣೆಗೆ, ದರ ಪಾವತಿಸಿರುವುದು/ಪಾವತಿಸಬೇಕಿರುವುದು, ಉದಾಹರಣೆಯಲ್ಲಿ ನೀಡಿರುವ 6000 ರೂ.

ಜಿಎಸ್‌ಟಿ ಪದ್ಧತಿಯಲ್ಲಿ ಹೆಚ್ಚುವರಿ ಶುಲ್ಕಗಳು ಮತ್ತು ವೆಚ್ಚಗಳು

ವಿನಾಯಿತಿಗಳು, ಪಾರ್ಕಿಂಗ್ ಶುಲ್ಕ ಇತ್ಯಾದಿ ಹೆಚ್ಚುವರಿ ವೆಚ್ಚಗಳನ್ನು ಜಿಎಸ್‌ಟಿಪದ್ಧತಿಯಲ್ಲಿ ಹೇಗೆ ನಿಭಾಯಿಸಲಾಗುತ್ತದೆ? ಇವು ವ್ಯವಹಾರದ ಮೌಲ್ಯದಲ್ಲಿ ಸೇರಿದೆಯೇ ಅಥವಾ ಸೇರಿಲ್ಲವೇ?

ಈ ಇಲ್ಯುಸ್ಟ್ರೇಷನ್ ಅನ್ನು ಗಮನಿಸೋಣ

ಸೂಪರ್ ಕಾರ್ಸ್ ಲಿಮಿಟೆಡ್, ಸುಮಾರು 4,00,000 ರೂ. ಮೌಲ್ಯದ ಕಾರೊಂದನ್ನು ರವೀಂದ್ರ ಆಟೋಮೊಬೈಲ್ಸ್ ಗೆ ಮಾರಾಟ ಮಾಡಿದೆ.

• ಕಾರಿನ ಪಾರ್ಕಿಂಗ್ ಶುಲ್ಕ 5,000 ರೂ. ಆಗುತ್ತದೆ.
• ದೀಪಾವಳಿ ಹಬ್ಬದ ಆಫರ್ ಆಗಿ ಕಾರಿಗೆ ಶೇಕಡ 1ರಷ್ಟು ರಿಯಾಯಿತಿ ದರವನ್ನು ನೀಡುತ್ತದೆ.
• ನೆಟ್ ಬ್ಯಾಂಕಿಂಗ್ ನಲ್ಲಿ 31ನೇ ತಾರೀಖಿಗೆ ಪಾವತಿ ಮಾಡಿರುವುದಕ್ಕೆ ರವೀಂದ್ರ ಆಟೋಮೊಬೈಲ್ಸ್ ಗೆ ಶೇಕಡ 0.5ರಷ್ಟು ವಿನಾಯಿತಿ ದರದಲ್ಲಿ ನೀಡಲು ಸೂಪರ್ ಕಾರ್ಸ್ ಪ್ರೈವೇಟ್ ಲಿಮಿಟೆಡ್ ಒಪ್ಪುತ್ತದೆ.

ಜಿಎಸ್ಟಿಯನ್ವಯ ರವೀಂದ್ರ ಆಟೋಮೊಬೈಲ್ಸ್ ಗೆ ನೀಡಿರುವ ಸರಕುಪಟ್ಟಿಈ ಮುಂದಿನಂತೆ ಇರಲಿದೆ:

**ಕಾರಿಗೆ ಶೇಕಡ 18ರಷ್ಟು ಜಿಎಸ್‌ಟಿ ವಿಧಿಸಲಾಗಿದೆ ಎಂಬ ಅಂದಾಜಿನಲ್ಲಿ.

 ಈ ಸರಕುಪಟ್ಟಿಯಲ್ಲಿ

• ವ್ಯವಹಾರದ ಮೌಲ್ಯದಲ್ಲಿ 5,000 ರೂ. ಪಾರ್ಕಿಂಗ್ ಶುಲ್ಕವನ್ನು ಸೇರಿಸಲಾಗಿದೆ.
  ಸರಕು ಅಥವಾ ಸೇವೆಯನ್ನು ಪೂರೈಸುವ ಸಮಯಕ್ಕೆ ಅಥವಾ ಮುಂಚಿತವಾಗಿ ಪಾರ್ಕಿಂಗ್ ಶುಲ್ಕ ಅಥವಾ ಹೆಚ್ಚುವರಿ ಶುಲ್ಕವನ್ನು ವ್ಯವಹಾರದ ಮೌಲ್ಯಕ್ಕೆ ಸೇರಿಸಬೇಕು.

• ವ್ಯವಹಾರದ ಮೌಲ್ಯದಿಂದ ಶೇಕಡ 1ನ್ನು ಕಡಿತ ಮಾಡಲಾಗುತ್ತದೆ.
  ಪೂರೈಕೆಯ ಸಮಯದಲ್ಲಿ ಅಥವಾ ಅದಕ್ಕೆ ಮೊದಲು ನೀಡಿರುವ ವಿನಾಯತಿ ದರವನ್ನು ಸರಕುಪಟ್ಟಿಯಲ್ಲಿ ದಾಖಲಿಸಬೇಕು, ಇದನ್ನು ವ್ಯವಹಾರದ ಮೌಲ್ಯದಿಂದ ಕಡಿತ ಮಾಡಬಹುದು.

• ಸರಕುಪಟ್ಟಿ ಯಲ್ಲಿ ಶೇಕಡ 0.5 ವಿನಾಯಿತಿಯನ್ನು ಕಡಿತ ಮಾಡಲಾಗಿಲ್ಲ. ಯಾಕೆಂದರೆ, ಶೇಕಡ 0.5 ವಿನಾಯಿತಿಯು ಪೂರೈಕೆ ಮಾಡಿದ ನಂತರ ನೀಡಲಾಗಿರುತ್ತದೆ, ಇಯದುಸರಕುಪಟ್ಟಿಯಲ್ಲಿ ಕಾಣಿಸುವುದಿಲ್ಲ. ಆದರೆ, ಪೂರೈಕೆಯ ಸಮಯದಲ್ಲಿ ಈ ವಿನಾಯಿತಿ ಬಗ್ಗೆ ತಿಳಿದಿರುವುದರಿಂದ ಇದನ್ನು ಸರಕುಪಟ್ಟಿ ಗೆ ಲಿಂಕ್ ಮಾಡಬಹುದು, ವ್ಯವಹಾರದ ಮೌಲ್ಯದಿಂದ ವಿನಾಯಿತಿ ಮೊತ್ತವನ್ನು ಕಡಿತ ಮಾಡಬಹುದಾಗಿದೆ. ಇದಕ್ಕಾಗಿ, ರವೀಂದ್ರ ಆಟೋಮೊಬೈಲ್ಸ್ ಗೆ ಸೂಪರ್ ಕಾರ್ಸ್ ಲಿಮಿಟೆಡ್ 2,360 ರೂ.( ಶೇಕಡ 0.5ರಂತೆ 4,00,000= 2000+ 2,000 ಜಿಎಸ್ಟಿಗೆ ಶೇಕಡ 18=360) ಮತ್ತು ಇದನ್ನು ಸಂಬಂಧಪಟ್ಟ ತೆರಿಗೆ ಸರಕುಪಟ್ಟಿ ಗೆ ಲಿಂಕ್ ಮಾಡಬೇಕು.
  ಪೂರೈಕೆ ನಂತರ ನೀಡಿರುವ ವಿನಾಯಿತಿ, ಆದರೆ, ಪೂರೈಕೆ ಸಮಯದಲ್ಲಿ ಅಥವಾ ಅದಕ್ಕೆ ಮೊದಲು ನೀಡಿರುವ ಸಮ್ಮತಿಯ ವಿನಾಯಿತಿಯನ್ನು ಸಂಬಂಧಪಟ್ಟ ಸರಕುಪಟ್ಟಿ ಗೆ ವಿಶೇಷವಾಗಿ ಲಿಂಕ್ ಮಾಡಬೇಕು, ಇದನ್ನು ವ್ಯವಹಾರದ ಮೌಲ್ಯದಿಂದ ಕಡಿತ ಮಾಡಬಹುದು.

ಈ ನಿಯಮಕ್ಕೆ ಇರುವ ವಿನಾಯಿತಿಗಳು ಯಾವುವು?

ಉತ್ತರ: ಪೂರೈಕೆಯ ನಂತರ ನೀಡಿರುವ ವಿನಾಯಿತಿಗಳು, ಮತ್ತು ಪೂರೈಕೆಯ ಸಮಯದಲ್ಲಿ ತಿಳಿಯದೆ ಇರುವಂತಹ ವಿನಾಯಿತಿಗಳು.

ಇದನ್ನು ಒಂದು ಸಚಿತ್ರ ವರದಿಯ ಮೂಲಕ ಅರ್ಥ ಮಾಡಿಕೊಳ್ಳೋಣ.

ಸೂಪರ್ ಕಾರ್ಸ್ ಲಿಮಿಟೆಡ್ ಕಾರೊಂದನ್ನು ರವೀಂದ್ರ ಆಟೋಮೊಬೈಲ್ಸ್ ಗೆ 4,00,000 ರೂಪಾಯಿಗೆ ಮಾರಾಟ ಮಾಡುತ್ತದೆ. ಮಾಡಿಕೊಂಡಿರುವ ಒಪ್ಪಂದದ ಪ್ರಕಾರ 30 ದಿನದೊಳಗೆ ಪಾವತಿ ಮಾಡಲು ಅವಕಾಶ ನೀಡಲಾಗಿದೆ. ಆದರೆ, ತಕ್ಷಣ ಹಣದ ಅಭಾವ ಉಂಟಾಗಿರುವುದರಿಂದ 2 ದಿನದೊಳಗೆ ಹಣ ಪಾವತಿಸುವಂತೆ ರವೀಂದ್ರ ಆಟೋಮೊಬೈಲ್ಸ್ ಬಳಿ ಸೂಪರ್ ಕಾರ್ಸ್ ಲಿಮಿಟೆಡ್ ವಿನಂತಿಸುತ್ತದೆ. ಈ ರೀತಿ ಹಣ ನೀಡಿದರೆ ಶೇಕಡ 2ರಷ್ಟು ವಿನಾಯಿತಿ ನೀಡುತ್ತೇವೆ ಎಂಬ ಭರವಸೆಯನ್ನೂ ನೀಡುತ್ತದೆ. ಹೀಗಾಗಿ, ರವೀಂದ್ರ ಆಟೋಮೊಬೈಲ್ಸ್್ 2 ದಿನದೊಳಗೆ ಪಾವತಿ ಮಾಡುತ್ತದೆ.

ಈ ಸನ್ನಿವೇಶದಲ್ಲಿ, ಪೂರೈಕೆ ಸಮಯದಲ್ಲಿ ಈ ವಿನಾಯಿತಿ ದರದ ಕುರಿತು ಯಾವುದೇ ಮಾಹಿತಿ ಇರಲಿಲ್ಲ. ಹೀಗಾಗಿ ಇದನ್ನು ಜಿಎಸ್‌ಟಿ ಲೆಕ್ಕಚಾರದಲ್ಲಿ ವ್ಯವಹಾರದ ಮೌಲ್ಯವಾಗಿ ಕಡಿತ ಮಾಡಿಕೊಳ್ಳಲು ಬರುವುದಿಲ್ಲ.

ವ್ಯವಹಾರದ ಮೌಲ್ಯದ ಮೇಲಿನ ಪರಿಣಾಮಗಳ ಸಾರಾಂಶವನ್ನು ಈ ಕೆಳಗೆ ನೀಡಲಾಗಿದೆ-

ವಿನಾಯಿತಿಯ ವಿಧ	ವ್ಯವಹಾರದ ಮೌಲ್ಯದ ಮೇಲೆ ಪರಿಣಾಮ
ಪೂರೈಕೆಯ ಸಮಯದಲ್ಲಿ ಅಥವಾ ಅದಕ್ಕೆ ಮೊದಲು ವಿನಾಯಿತಿ ನೀಡಿದ್ದರೆ ಮತ್ತು ಸರಕುಪಟ್ಟಿಯಲ್ಲಿ ಅದನ್ನು ದಾಖಲಿಸಿದ್ದರೆ.	ವ್ಯವಹಾರದ ಮೌಲ್ಯದಿಂದ ಇದನ್ನು ಕಡಿತ ಮಾಡಲು ಕ್ಲೇಮ್ ಮಾಡಲು ಅವಕಾಶವಿದೆ.
ಪೂರೈಕೆಯ ನಂತರ ವಿನಾಯಿತಿ ನೀಡಿದ್ದರೆ, ಆದರೆ, ಪೂರೈಕೆಯ ಸಮಯದಲ್ಲಿ ಅಥವಾ ಪೂರೈಕೆಗಿಂತ ಮೊದಲೇ ವಿನಾಯಿತಿ ನೀಡಲು ಒಪ್ಪಿದ್ದರೆ ಮತ್ತು ಇದನ್ನು ಸಂಬಂಧಪಟ್ಟ ಸರಕುಪಟ್ಟಿ ಗೆ ಲಿಂಕ್ ಮಾಡಿದ್ದರೆ.	ವ್ಯವಹಾರದ ಮೌಲ್ಯದಿಂದ ಇದನ್ನು ಕಡಿತ ಮಾಡಲು ಕ್ಲೇಮ್ ಮಾಡಲು ಅವಕಾಶವಿದೆ.
ಎಲ್ಲಾದರೂ ಪೂರೈಕೆಯ ನಂತರ ವಿನಾಯಿತಿ ನೀಡಿದ್ದರೆ ಮತ್ತು ಪೂರೈಕೆಯ ಸಮಯದಲ್ಲಿ ಈ ವಿನಾಯಿತಿ ಕುರಿತು ಗೊತ್ತಿಲ್ಲದೆ ಇದ್ದರೆ.	ವ್ಯವಹಾರದ ಮೌಲ್ಯವಾಗಿ ಕಡಿತ ಮಾಡುವಂತೆ ಕ್ಲೇಮ್ ಮಾಡಲು ಸಾಧ್ಯವಿಲ್ಲ.

 

ಪೂರೈಕೆಯ ವ್ಯವಹಾರದ ಮೇಲೆ ವಿವಿಧ ಶುಲ್ಕಗಳು ಮತ್ತು ವೆಚ್ಚಗಳ ಪರಿಣಾಮವನ್ನು ಈ ಕೆಳಗೆ ನೀಡಲಾಗಿದೆ-

ಪೂರೈಕೆಗೆ ಸಂಬಂಧಪಟ್ಟ ಶುಲ್ಕ/ವೆಚ್ಚ	ವ್ಯವಹಾರದ ಮೌಲ್ಯದ ಮೇಲೆ ಪರಿಣಾಮ
ಕಮಿಷನ್ ಮತ್ತು ಪಾರ್ಕಿಂಗ್ ಇತ್ಯಾದಿ ಆಕಸ್ಮಿಕ ವೆಚ್ಚಗಳು	ವ್ಯವಹಾರದ ಮೌಲ್ಯಕ್ಕೆ ಸೇರಿದೆ.
ತಡವಾಗಿ ಪಾವತಿ ಮಾಡಿರುವುದಕ್ಕೆ ಪೂರೈಕೆದಾರರು ವಿಧಿಸಿರುವ ಬಡ್ಡಿದರ/ ತಡವಾದ ಶುಲ್ಕ/ ಪೆನಾಲ್ಟಿ	ವ್ಯವಹಾರದ ಮೌಲ್ಯಕ್ಕೆ ಸೇರಿದೆ.
ಕೇಂದ್ರ ಮತ್ತು ರಾಜ್ಯ ಸರಕಾರ ನೀಡಿರುವುದನ್ನು ಹೊರತುಪಡಿಸಿದ ಸಬ್ಸಿಡಿಗಳು	ವ್ಯವಹಾರದ ಮೌಲ್ಯಕ್ಕೆ ಸೇರಿದೆ.
ಜಿಎಸ್‌ಟಿ ಹೊರತುಪಡಿಸಿದ ಇತರೆ ಯಾವುದೇ ತೆರಿಗೆಗಳು	ವ್ಯವಹಾರದ ಮೌಲ್ಯಕ್ಕೆ ಸೇರಿದೆ.
ಸ್ವೀಕೃತಿದಾರರು ಭರಿಸಬೇಕಾದ ಪೂರೈಕೆದಾರರು ಪಾವತಿಸಬೇಕಾಗಿರುವ ಯಾವುದೇ ಮೊತ್ತ	ವ್ಯವಹಾರದ ಮೌಲ್ಯಕ್ಕೆ ಸೇರಿದೆ.

ಜಿಎಸ್‌ಟಿ(ಸರಕು ಮತ್ತು ಸೇವಾ ತೆರಿಗೆ)ಯು ದೇಶದ ತೆರಿಗೆ ವ್ಯವಸ್ಥೆಯಲ್ಲಿ ಮಹತ್ತರ ಬದಲಾವಣೆಗಳನ್ನು ತರುವ ನಿರೀಕ್ಷೆಯಿದೆ. ಉತ್ಪನ್ನದ ದರ, ಸರಕು ಮತ್ತು ಸೇವೆಗಳ ಮೌಲ್ಯಮಾಪನ, ಮತ್ತು ಇತರೆ ವಿವಿಧ ಅಂಶಗಳನ್ನು ಗಣನೆಗೆ ತೆಗೆದುಕೊಂಡರೆ ಸರಳೀಕೃತ ತೆರಿಗೆ ವ್ಯವಸ್ಥೆಯ ಅನುಭವ ಪಡೆಯಬಹುದಾಗಿದೆ.

 

202,045 total views, 123 views today